Hoi zämä!
Am kommende Weekend (17. – 19. August 2012) findet wieder s'beliebte RAIFFEISEN Beachvolleyball-Grümpi in Einsidlä statt! D'Vorbereitige laufed uf Hochtuure.
Vom Fritig bis Sunntig Oubig wird wider flissig beached idä Grotzemühli. 3 Täg lang spiled insgesamt 84 Teams i 5 verschidene Kategorie gägenenand. Mir freued üs über üchere Bsuech! Und d'Fäschtwirtschaft lout wie immer kei Wünsch offe.
Au bidä Musig erwarted üs zwei gueti Bands: Am Fritig spiled Catstrike, en Einsidler Band wo nunig lang mitenand musiziert, aber scho jahrelangi Erfahrig hät. Am Samstig gits dä chli Roadmusic made in Switzerland mit de dustyboots. A beidnä Öubig hemmer idä Maisgoldbar nu Unterhaltig mitem DJ Örwein.
So wes usxeit, wird de Petrus widermal gueter Luune sii und üs fürs Wuchenänd e huufe afrikanischi Sunne schicke!
Bis dänn!